शनिबार देखि सुरु भएको तेस्रो परवानीपुर गोल्डकप फुटबल प्रतियोगिताको उद्घाटन खेलमा संयोजक टोली शक्ति युवा क्लब वीरगन्ज युथ एकेडमी संग पराजित भएको छ ।
निर्धारित समय सम्म दुवै टोलीको २–२ बराबरी गोल भएपछि वीरगन्ज युथ एकेडमीले ट्राईब्रेकरमा ४ –२ गोल अन्तरले प्रतियोगिताको पहिलो जित हात पार्न सफल भएको हो ।
परवानीपुरस्थित खेल मैदानमा सुरु भएको खेलको पहिलो हाफमा शक्ति युवा क्लबले २ गोल अन्तरले अग्रता बनाएको थियो ।
पहिलो हाफको १४ औ मिनेटमा शक्ति युवा क्लबका जर्सी नम्बर १४ का खेलाडी अजय कुमारले पहिलो गोल गरे । खेल सुरु भएको समय देखि दबादमा रहेको वीरगन्ज युथ एकेडमीले खेलको १९ औ मिनेटमा एक खेलाडी परिवर्तन गरेको थियो ।
दबाबमा रहेका वीरगन्ज युथ एकेडमीमाथी हाबि बनेको शक्ति युवा क्लब २४ औ मिनेटमा पुन दोस्रो गोल गर्यो । दोस्रो गोल पेनाल्टीमा जर्सी नम्बर ९ का खेलाडी संघर्ष मगरले गोल गरेका थिए ।
खेलको दोस्रो हाफको सुरु मै ५० औ मिनेटमा वीरगन्ज युथ एकेडमीका जर्सी नम्बर २० का खेलाडी आकाश पासवानले आफ्नो टिमको पहिलो गोल गरे ।
दोस्रो हाफमा भने शक्ति युवा क्लब माथी वीरगन्ज युथ एकेडमी एकदमै दबाद बनाईरहेकोे थियो । खेलको ५५ औ मिनेटमा जर्सी नम्बर ११ का खेलाडी कृष्णा शाक्यले फ्रि किकमा गोल गर्दै खेललाई बराबरीमा लग्न सफल भए ।
निर्धारित ९० मिनेटको खेलमा दुबै टिम २–२ गोल गर्दै बराबरीमा रोकेपछि खेल ट्राईबे्रकरमा टुंग्याउने निर्णय भएको हो ।
ट्राईबे्रकरमा संयोजक टोलीका पाँच खेलाडीहरु मध्ये दुई जनाले मात्र गोल गर्न सफल भए र बाँकीका तिन जनाले भने गोल गर्न असफल भएपछि शक्ति युवा क्लब पराजित हुन पुगेको हो ।
वीरगन्ज युथ एकेडमीका पाँच जना खेलाडी मध्ये चार खेलाडी गोल गर्न सफल भए सँगै प्रतियोगिताको पहिले जित हात पार्न सफल भएको हो ।
आजको खेल हेटौंडा फुटबल एकेडेमी मकवानपुर र चिडिया दह स्टार क्लब रौतहट बिच हुने प्रतियोगिताका प्रेस संयोजक तिवारी यादवले बताए ।
चैत १० गते सम्म चल्ने प्रतियोगितामा आयोजक शक्ति युवा क्लब ,वीरगन्ज युनाइटेड एफसी , वीरगन्ज युथ एकेडेमी , भरतपुर फुटबल क्लब चितवन , हेटौंडा फुटबल एकेडेमी मकवानपुर, नव जन जागृती युवा क्लब सिमरा ,चिडिया दह स्टार क्लब रौतहट र बाग्मती फुटबल क्लब सर्लाही सहभागी रहेको छ ।
यस्तै प्रतियोगितामा प्रथम हुने क्लबले नगद दुई लाख एक हजार र दोस्रो हुने क्लबले एक लाख एक हजार सहित प्रमाणपत्र र शिल्ड पाउने उनले बताए ।
त्यस्तै प्रतियोगितामा खेलाडीहरुको लागी विभिन्न विद्यामा विद्यागत पुरस्कार पनि राखिएको प्रतियोगिता सहसंयोजक दिपक यादवले बताए । यस खेलका म्यान अफ द म्याच वीरगंज युथ एकेडेमीका गोलरक्षक जयराम चौधरीले प्राप्त गरेका हुन् ।
तेस्रो परवानीपुर गोल्डकप फुटबल उद्घाटन परवानीपुर गाँउपालिकाका अध्यक्ष रामक्षत्री प्रसाद कुर्मीले गरेका थिए ।
प्रतियोगीताका संयोजक सुबोध श्रीवास्तवको अध्यक्ष्तामा भएको कार्यक्रममा नेकपा एमालेका नेता रामपाल यादव , मोबिन आलम , सोचन यादव , राजेन्द्र यादव , नेपाली कांग्रेसका नेता विजय गुप्ता , हबिब मियाँ लगायतका विभिन्न वडाका वडाअध्यक्ष , स्थानीय नेता तथा समाजसेवीहरु सहभागी थिए ।
