वीरगञ्ज महानगरपालिका–५ स्थित कुम्हालटोलमा निर्माण भएको "नारायणी स्पोर्ट्स क्लब" को भवन समुद्घाटन समारोह तथा सम्मान कार्यक्रम भव्य रूपमा सम्पन्न भएको छ। जनता समाजवादी पार्टीका पूर्व मुख्यमन्त्री तथा प्रदेशसभा सदस्य लालबाबु राउतले उक्त भवनको उद्घाटन गरेका हुन्।
समारोहमा एमालेका पूर्व नेता बाबुजान अल्ली, वरिष्ठ पत्रकार तथा नेता लालबाबु शेष, वडा अध्यक्ष जयप्रकाश साह, रितेश गुप्ता, नगवाका वडा अध्यक्ष प्रशुराम चौरसिया, सामुदायिक प्रहरी कुम्हालटोलका सचिव श्रवणबहादुर रायमाझी, युवा नेता ललन सिंह, लालबाबु आलम, प्रवेज अख्तर, प्रभाकर गुप्ता, सुनिल शर्मा, समाजसेवी अयुफ अन्सारी, शिक्षिका सरिता खड्की, र डा. मनोज उपाध्यायलगायत थुप्रै विशिष्ट व्यक्तित्वहरूको उपस्थिति रहेको थियो।
कार्यक्रममा स्थानीय समाजसेवी, शिक्षक, युवानेता, र अन्य विशिष्ट व्यक्तित्वहरूलाई सम्मान गरिएको थियो। कार्यक्रममा समुदायका मानिसहरूको उल्लेखनीय सहभागिता रहेको थियो।
कार्यक्रमको सहजीकरण वरिष्ठ स्तम्भकार तथा नेता कुमार रुपाखेतीले गरेका थिए।
