यो सिजनको आरम्भमा, रेयल म्याड्रिडको प्रदर्शनले धेरैलाई चकित पारेको थियो। बार्सिलोनासँग ५–२ को पराजय र केलियन म्बाप्पेको टोलीमा सामेल हुनासँगै आएका विवादहरूले अनचेलोटी र उनका खेलाडीहरूको क्षमता माथि प्रश्न उठाइएको थियो । तर, समयसँगै यो क्लबले आफ्नो लय पुनः प्राप्त गरेको छ र च्याम्पियन्स लिगको समूह चरणको अन्तिम खेलअघि प्ले–आफमा स्थान पक्का गरेको छ। ला लिगामा भने चार अंकको अग्रता सहित उनीहरूले शीर्ष स्थानमा उक्लिएका छन्।
सपेनिस सुपर कपमा बार्सिलोनासँगको कष्टकर पराजयपछि, रेयल म्याड्रिडको प्रदर्शनमा सुधार आएको छ। चार लगातार जितहरूको साथ क्लबले १७ गोल गर्दै आफ्नो लय पक्का गरेको छ। यस सिजनको प्रारम्भमा, म्बाप्पेको समायोजन र टोलीको खेलमा असमझदारीका कारण आलोचनाको शिकार भएका अनचेलोटीले अब सबैलाई चुपचाप जवाफ दिएका छन्। “मैले भनेको छैन कि म क्लब छोड्नेछु, म जब चाहन्छु तब म क्लब छोड्नेछु,“ उनले आफ्नो भविष्यसँग सम्बन्धित शंका र अफवाहहरूलाई सिधैे खारेज गर्दै स्पष्ट पारेका छन्।
अहिले, क्लबका प्रमुख खेलाडीहरू—केलियन म्बाप्पे, विनिसियस जुनियर, रोड्रिगो र जुड बेलिङहमले शानदार प्रदर्शन गर्दैछन् । म्बाप्पे, जसले हालै १२ गोल गरेका छन्, क्लबको प्रमुख गोलकर्ता बन्ने पथमा छन् भने, विनिसियस जुनियरले विपक्षी समर्थकबाट प्राप्त जातिवादी दुव्र्यवहारको बावजूद उत्कृष्ट प्रदर्शन गरेर आफ्नो लयमा फर्किरहेका छन् ।
यद्यपि अनचेलोटीका रणनीतिक निर्णयहरूले रेयल म्याड्रिडलाई नयाँ उचाइमा पुर्याएको छ, बेलिङहमको मिडफिल्डमा नेतृत्व र रोड्रिगोको फर्म पनि टोलीको मजबुतिको मुख्य कारण बनेका छन्।
रेयल म्याड्रिडको सुधार भनेको अनुशासन, सामूहिक सहकार्य र रणनीतिक निर्णयहरूको संयोजन हो। अनचेलोटीको नेतृत्वमा, म्बाप्पे र बेलिङहम जस्ता खेलाडीहरूको योगदानले क्लबलाई च्याम्पियन्स लिग र ला लिगामा थप सफलताका लागि अग्रसर गरिरहेको छ।
