नयाँ वर्ष २०८२ को शुभ अवसर पारेर वीरगञ्जका अस्पतालहरूमा देखिएको रक्त अभावलाई मध्यनजर गर्दै क्वाइनोनिया वीरगञ्ज चर्चका ख्रीष्टिय युवा समाजद्वारा रक्तदान कार्यक्रम सम्पन्न गरिएको छ। “रक्तदान जीवनदान, जीवनदान महादान” नारासहित आयोजित कार्यक्रममा १९ महिलासहित ९३ जनाले रक्तदान गरेका थिए।
समाजसेवाका लागि सङ्गठित प्रयास
रक्तदान कार्यक्रम क्वाइनोनिया वीरगञ्ज चर्चका पा. राजकुमार घिमिरेको अध्यक्षता मा सम्पन्न भयो। वीरगञ्ज महानगरपालिका वडा नम्बर १६, अमरचोकस्थित चर्च हलमा आयोजना गरिएको यो कार्यक्रम स्थानीय समुदायको उल्लेखनीय सहभागिताका कारण सफल बन्यो।
कार्यक्रमका प्रमुख अतिथि वडा नम्बर १६ का अध्यक्ष पशुराम चौरसिया थिए भने विशिष्ट अतिथिका रूपमा नेपाल रेडक्रस सोसाइटी, पर्साका सभापति बृजकिशोर पटेल उपस्थित थिए। अन्य विशेष अतिथिहरूमा वीरगञ्ज कपडा बैंकका अध्यक्ष लालबाबू सिंह, वीरगञ्ज युवा समाजका अध्यक्ष कमल चौगाउँ, सामुदायिक प्रहरी सेवा कुम्हालटोलका सचिव श्रवण बहादुर रायमाझी, समाजसेवी राजेन्द्र भट्टराई लगायत अन्य सामाजिक व्यक्तित्वहरूको उपस्थिति रहेको थियो।
रक्त अभावलाई सम्बोधन गर्ने लक्ष्य
नेपाल रक्तसञ्चार केन्द्र, वीरगञ्जमा दैनिक रूपमा रगतको अभाव देखिँदै आएको छ। बिरामीहरूको अत्यधिक चाप बढ्दै जाँदा आकस्मिक रूपमा आवश्यक हुने रगत सहज रूपमा उपलब्ध गराउन यो रक्तदान कार्यक्रम आयोजना गरिएको हो।
नेपाल रेडक्रस सोसाइटी, वीरगञ्ज रेश्मकोठी उपशाखाका युवा संयोजक अभिलाष गुप्ता का अनुसार रक्तदान गरिएका युनिटहरू अस्पताल तथा उपचार केन्द्रहरूमा आवश्यकताअनुसार वितरण गरिनेछ।
समुदायका युवाहरूको सक्रिय सहभागिता
रक्तदान गर्ने व्यक्तिहरूमा दीपक साह, आयुष सिंह लामा, रोहन खड्का, मारी कुमार राई, कमला चौबे, स्नेहा मुरारका, विकास महर्जन, विशाल कुमार सिंह, घनश्याम, दिपेन्द्र श्रेष्ठ, रमेश, विकास कुमार, इशाक सोनार, गुन्ना कु. साह, विशाल अधिकारी, शिवशङ्कर मान, सलमान शेख, जाकिर हुसेन, सुरेश, अलिखिल राई चौधरी, दिलीप लगायत अन्य थुप्रै स्वयंसेवकहरू थिए।
प्राविधिक सहयोग र सफल समापन
रक्तदान कार्यक्रम नेपाल रक्तसञ्चार केन्द्र वीरगञ्जका मनिष साह र लिलाधर साहको प्राविधिक सहयोग मा सम्पन्न भएको थियो। समाजसेवा र मानवहितका यो महत्वपूर्ण कार्यलाई स्थानीय समुदायले निकै सराहना गरेको छ।
यो रक्तदान कार्यक्रमले रक्त सञ्चयमा महत्त्वपूर्ण योगदान पुर्याएको भन्दै आयोजक समूहले आगामी दिनहरूमा पनि यस्ता सामाजिक कार्यलाई निरन्तरता दिने प्रतिबद्धता जनाएको छ।
