अग्नि ग्रुपले महिन्द्राका सम्पूर्ण उत्पादन तथा सेवा एकै स्थलमा उपलब्ध गराउने उद्देश्यले ‘महिन्द्रा अटो फेस्ट २०८१’ सुरु गरेको छ। “कनेक्ट, एक्सप्लोर, अपग्रेड” नारासहित आयोजित यो फेस्ट चैत २२ देखि २४ गतेसम्म सञ्चालन हुनेछ।
फेस्टको उद्घाटन परवानीपुर–४, चैनपुरका वडाध्यक्ष गंभीरा राउत कुर्मीले गरेका थिए भने विशेष अतिथिका रूपमा महिन्द्रा एन्ड महिन्द्राका प्रतिनिधि महेश ठकुरी उपस्थित थिए।
महिन्द्राका सम्पूर्ण उत्पादन एकै स्थानमा अवलोकन
फेस्टमा महिन्द्राका चारपाङ्ग्रे एसयूभी, पिकअप, ट्र्याक्टर, अटो–रिक्सा, जेनेरेटर तथा येज्डि मोटरसाइकलहरू प्रदर्शनीमा राखिएका छन्। ग्राहकहरूले यी सवारीको अवलोकन गर्दै टेस्ट ड्राइभ गर्न, पुराना गाडीसँग एक्सचेन्ज गर्न, आकर्षक नगद छुट प्राप्त गर्न तथा सहज फाइनान्सिङ सुविधा लिन सक्नेछन्।
व्यावसायिक तथा कृषि सवारीका लागि विशेष आकर्षण
महिन्द्राका लोकप्रिय व्यावसायिक सवारी बोलेरो पिकअप र स्कोर्पियो पिकअप प्रदर्शनमा छन्। कृषि क्षेत्रलाई लक्षित गर्दै दमदार ट्र्याक्टर मोडेलहरू महिन्द्रा युभो टेक प्लस (YUVO TECH PLUS) र महिन्द्रा युवराज (YUVRAJ) प्रस्तुत गरिएका छन्। साथै, जाइरोभेटर, रोटाभेटर जस्ता कृषि उपकरणहरू पनि प्रदर्शन गरिएका छन्।
तीन पाङ्ग्रे सवारीका लागि महिन्द्राको लास्ट माइल मोबिलिटी अन्तर्गत महिन्द्रा ट्रियो, ट्रियो प्लस र इ-अल्फा प्लस इलेक्ट्रिक रिक्सा समेत प्रदर्शनीमा राखिएको छ।
मोटरसाइकल र ऊर्जा समाधानमा महिन्द्राको उपस्थिति
दुई पाङ्ग्रे मोटरसाइकलप्रेमीहरूका लागि येज्डि रोड्स्टर र येज्डि स्क्राम्बलर मोटरसाइकलहरू प्रदर्शन गरिएका छन्। उता, ऊर्जा समाधानका लागि ५ केभीएदेखि ६२५ केभीए क्षमताका महिन्द्रा पावरोल जेनसेट्स पनि फेस्टमा राखिएका छन्।
सहज फाइनान्सिङ र एक्सचेन्ज अफर
महिन्द्राका नयाँ तथा पुराना गाडी खरिद गर्न चाहने ग्राहकहरूलाई अग्नि हायर पर्चेजमार्फत ७०% सम्म फाइनान्सिङ, १ दिनमै कर्जा स्वीकृति, प्रतिस्पर्धात्मक ब्याजदर र सहज कागजात प्रक्रिया उपलब्ध गराइएको छ। साथै, ‘आस्था-सर्टिफाइड प्रि-औन्ड’ योजनाअन्तर्गत पुराना गाडी सहज प्रक्रियामार्फत मूल्याङ्कन गरी खरिद, बिक्री तथा एक्सचेन्ज गर्न सकिने व्यवस्था गरिएको छ।
ग्राहकहरूको उत्साहजनक सहभागिता, महिन्द्राप्रति चासो बढ्दो
महिन्द्राका नवीनतम उत्पादनहरू एकै ठाउँमा हेर्न र विशेष अफरसहित खरिद गर्न पाइने हुँदा ग्राहकहरूको उत्साहजनक सहभागिता देखिएको छ। विशेष गरी व्यवसायी, कृषक तथा यातायात व्यवसायमा संलग्न व्यक्तिहरूका लागि यो फेस्ट अवसर बनेको छ।
महिन्द्रा अटो फेस्टमा सहभागिता जनाई उत्पादनहरू अनुभव गर्न अग्नि ग्रुपले पर्सा, बारा र आसपासका क्षेत्रका ग्राहकहरूलाई आग्रह गरेको छ।
