अन्तर्राष्ट्रिय ओलम्पिक समितिको कार्यकारी बोर्ड (आईओसी)ले बुधबार (एप्रिल ९) २०२८ लस एन्जलस ओलम्पिकमा पुरुष र महिला क्रिकेटको प्रतियोगिता ६-टीमको रुपमा आयोजना गर्ने निर्णय गरेको छ। यसका साथै, प्रत्येक लिङ्गका लागि ९० एथलीटहरूको कोटा निर्धारण गरिएको छ, जसमा हरेक राष्ट्रले १५ सदस्यीय टोली घोषणा गर्न सक्छ।
पहिले नै सार्वजनिक गरिएको जानकारी अनुसार, टी२० अन्तर्राष्ट्रिय क्रिकेटलाई प्रतियोगिताको आधिकारिक फर्मेटको रूपमा चयन गरिएको छ। यद्यपि, खेलहरूको आयोजना हुने स्थान अझै तय भएको छैन, तर न्यूयोर्क शहरले यो प्रतियोगिता आयोजना गर्ने दावि गरेको छ।
अहिलेको समयमा, ६ टोलीहरूको छनोट प्रक्रिया र प्रतिनिधित्वको मुद्दा, विशेष गरेर ग्रेट ब्रिटेन र वेस्ट इन्डिजको स्थितिमा, अझै खुल्ला छ।
क्रिकेट १९०० मा ओलम्पिक खेलहरूमा अन्तिम पटक समावेश गरिएको थियो, जसमा केवल दुई टोली - ग्रेट ब्रिटेन र फ्रान्स - बीचमा प्रतियोगिता भएको थियो। सो प्रतियोगितामा ग्रेट ब्रिटेनले ऐतिहासिक रूपमा ओलम्पिक क्रिकेट गोल्ड मेडल जितेको थियो।
हालै क्रिकेट अन्य अन्तर्राष्ट्रिय बहु-खेलकुद प्रतियोगिताहरूमा समावेश गरिएको छ। हाङजोउ २०२२ एशियाली खेलहरूमा पुरुष र महिला क्रिकेट प्रतियोगिता भएको थियो भने बर्मिंघम २०२२ राष्ट्रमण्डल खेलहरूमा आठ टोलीको महिला क्रिकेट प्रतियोगिता आयोजना गरिएको थियो।
ओलम्पिकमा क्रिकेटको पुनरागमनले खेलप्रेमीहरूका लागि उत्साहको वातावरण सिर्जना गरेको छ, र आगामी लस एन्जलस २०२८ ओलम्पिकमा यस खेलको नया अध्याय सुरू हुने अपेक्षा गरिएको छ
-1744525630.jpg)
-1744525630.jpg)
