राजनिति

गृहपृष्ठ
राजनिति
नेकपा कार्यकर्ता कुटाकुट : पुर्व सांसद गुप्ता सहित १२ जना विरुद्ध किटानी जाहेरी दर्ता, घटनामा संलग्नहरु फरार

नेकपा कार्यकर्ता कुटाकुट : पुर्व सांसद गुप्ता सहित १२ जना विरुद्ध किटानी जाहेरी दर्ता, घटनामा संलग्नहरु फरार

तस्बिर : मध्य नेपाल ।

नेपाल कम्युनिष्ट पार्टी (नेकपा) का जिल्ला सदस्य मुकेश चौरसियाको हत्यामा सँलगन रहेको भन्दै पुर्व सांसद राजकुमार गुप्तासहित १२ जना बिरुद्ध बिहिबार किटानी जाहेरी दर्ता भएको छ ।

चौरसियाको हत्यामा सँलगन रहेको भन्दै सँबिधान सभा सदस्य गुप्तासहित १२ जना बिरुद्ध सरकारी वकिलको कार्यालयमा मुदा दर्ता भएको हो । सरकारी वकिलको कार्यालयले मुदा दर्ता गरि जिल्ला प्रहरी कार्यालय पर्सामा पठाएको छ । मृतक चौरसियाका भाई महेश चौरसियाले गुप्ता सहित १२ जना बिरुद्ध कर्तब्य ज्यान मुदा दर्ता गराएका हुन ।

किटानी जाहेरीमा चौरसियाको हत्याको मुख्य योजनाकार सँबिधान सभा पुर्व सदस्य राजकुमार गुप्तासहित विन्दवासनी गाऊँपालिका वडा नम्बर २ का वडा अध्यक्ष संजय चौहान, हनिश मियाँ, देवा सहनी, चिन्टु तिवारी, उतम तिवारी, लक्षमण चौरसिया लगायत १२ जना माथि मुदा दर्ता भएर आएको जिल्ला प्रहरी कार्यालय पर्साले जनाएको छ ।

मुद्दा दर्ता हुन अगाडी देखिनै घटनामा संलग्न भएका राजकुमार गुप्ता बाहेककाहरु फरार रहेका छन् । यदपी प्रहरीले घटना संलग्न भएका व्यक्तिहरुको नाम सार्वजनिक रुपले नै बाहिर ल्याएकाले ती व्यक्तिहरु फरार भएको प्रहरीको भनाई छ ।

गत कार्तिक ६ गते बिन्दबासिनी गाउँपालिकाको नव गठित नेकपाको समितिको सपथ ग्रहण कार्यक्रममा झडप हुदाँ गाउँपालिकाका सचिव समेत चुनिएका मुकेश चौरसिया गम्भिर घाईते भएका थिए । टाउकोमा चोट लागेको उनको उपचारको क्रममा भोलि पल्ट कार्तिक ७ गते वीरगंजको एल.एस न्यूरो हस्पिटलमा मृत्यु भएको थियो ।

त्यसयता प्रत्येक दिन पर्सा प्रहरीमा मुद्दा दर्ताका लागी आन्दोलन भईरहेको थियो । तर प्रहरीले पुर्व सांसदको नाम हटाए मात्रै मुद्दा दर्ता हुने जनाउँदै आएको थियो । व्यापक दबाबका वावजुद आज पर्सा प्रहरीले मुद्दा दर्ता गरेको छ ।

घटनामा संलग्न भनिएका मध्ये ३ जनालाई प्रहरीले पक्राउ गरिसकेको समेत जनाएको छ ।